Театарскиот фестивал „Петар Кочиќ“ во Бања Лука штотуку заврши, а жирито едногласно одлучи наградата за најдобар актер на фестивалот да му припадне на Никола Ристановски за улогата на Мишел Бабиќ во претставата „Уна“ од Звездара Театра.
Жирито на 28-от театарски фестивал беше составено од следниве членови: актерката Наташа Периќ режисерот и универзитетски професор Душан Петровиќ, и драматургот Молина Удовички Фотез, претседател.
Во нивното објаснување се наведува дека Никола Ристановски „директно, едноставно, искрено и суптилно го гради ликот на професор Бабиќ, интелектуалец растргнат помеѓу баналната реалност и „силната внатрешна потреба за слобода“.
Ова е четврта награда за Ристановски за улогата на професор Бабиќ во „Уна“, откако беше награден и на Деновите на Зоран Радмиловиќ во Зајечар, како и на актерскиот фестивал „Миливое Живановиќ“ во Пожаревац.