„Plesni šampion“, песна што е дел од животот на Аурелија Сташиќ уште од детството, е објавена во нова верзија како посебен дует со Раде Шербеџија.
Аурелија првпат ја испеала песната како осумгодишно девојче; денес, таа ѝ се навраќа во нова интерпретација заедно со легендарниот актер и уметник Раде Шербеџија, чиј глас одбележал цели генерации. Спотот додава посебна емотивна нота – Раде го игра дедото на Аурелија, со што дополнително се истакнуваат топлината, блискоста и нежноста на приказната што ја раскажува песната.
„За мене беше огромна чест да снимам дует со Раде Шербеџија. Неговите совети неизмерно ми помогнаа и уживав во целиот проект“, изјави Аурелија.
„Во спотот го играм нејзиниот дедо, и тоа за мене претставува голема чест. Имам седум внуци, а таа ми е осмата. Аурелија е ќерка на мојот пријател Антун Сташиќ, виолинист и прекрасен музичар“, рече Раде Шербеџија, додавајќи: „Во текот на мојата актерска кариера, најмногу уживав да работам со студенти – со млади луѓе – бидејќи иднината им припаѓа ним. Бидејќи тие се оние што навистина ќе бидат ’шампиони во танц‘.“
Музиката и текстот се дело на Дражен Павин, аранжманот е на Домагој Павин, додека аранжманот за дувачки инструменти го изработи Роко Вушковиќ.