Турската музичка ѕвезда Demet Akalın со голем концерт во Скопје

На 19 јуни 2026 година, Демет Акалин доаѓа во Скопје за ексклузивен концерт кој ветува незаборавна вечер исполнета со најголемите хитови, спектакуларно шоу и атмосфера каква што само една од најголемите балкански и турски музички ѕвезди може да создаде. Локацијата на концертот е СЦ „Јане Сандански“.

Demet Akalın е едно од најголемите имиња на турската поп музика и една од најуспешните музички ѕвезди во регионот. Родена е на 23 април 1972 година во Гелџук, Турција, а својата кариера ја започнува како модел пред да стане една од најпрепознатливите пејачки на турската музичка сцена.

Со повеќе од две децении успешна кариера, Демет Акалин има издадено бројни хитови кои достигнале милионска публика и врвови на музичките листи. Песни како „Afedersin“, „Mucize“, „Toz Pembe“, „Hayalet“, „Çanta“ и „İlahi Adalet“ ја направија една од највлијателните поп артистки во Турција.

Нејзините концерти се познати по спектакуларната продукција, енергијата на сцената и силната врска со публиката. Во текот на својата кариера има освоено бројни музички награди, вклучувајќи повеќе Kral Türkiye Music Awards и Golden Butterfly Awards.

Очекувајте вечер полна со емоции, забава и музички хитови кои ја одбележаа цела генерација. Влезниците се пуштени во продажба на vleznici.mk