Кипарската пејачка Ivi Adamou за прв ќе одржи голем солистички концерт по неколку клубски настапи во земјава. Поп-денс концерт со клубска енергија и динамична атмосфера е закажан за 25 јули во Хераклеа.
Почнувајќи од нејзиниот најголем хит La La Love, Adamou покрај кавери и ремикси, ќе ги изведува „Voltes St’ Asteria“ „San Erthi I Mera“ (соработка со Stavento), „Kano Mia Efhi“, „Madness“ и многу други.
Ivi Adamou се прослави со учеството во музичкото шоу „X Factor Greece“, по што започна успешна кариера на регионалната поп сцена. Таа стекна широка меѓународна препознатливост кога го претставуваше Кипар на Евровизија 2012 со песната La La Love, која стана хит низ Европа. Нејзиниот музички стил комбинира поп, денс и електронски елементи, а во текот на кариерата има објавено повеќе успешни синглови и албуми, градејќи силно присуство на грчко-кипарската музичка сцена.