Пред својот прв настап во Македонија, на 24 април во Битола – Ади Шоше го даде и своето прво интервју на македонски јазик, отворајќи едно искрено и емотивно поглавје со домашната публика. Во разговорот допревме повеќе теми. За првиот настап кај нас и најавениот концерт во Скопје на 18 октомври, до спомените и влијанието на Тоше, како и неговите размислувања за Евровизија. Ади отворено зборуваше и за личните предизвици, споделувајќи искрен совет за справување со анксиозноста – порака која сигурно ќе одекне кај многумина.
Ова е ваш прв настап во Македонија. Како се чувствувате? Колку сте задоволни од настапот?
Ади: Се чувствувам одлично, долго чекавме на нашиот прв настап во вашата земја. Долго време вежбав да отпеам нешто на македонски јазик. Чувствувам дека ова е почеток на долга и прекрасна врска која само ќе станува посилна со текот на годините.
За октомври е најавен солистички концерт во Скопје. Што подготвувате за публиката?
Ади: Дотогаш, дефинитивно ќе бидат објавени некои нови песни и публиката ќе има можност да го чуе комплетниот колаж од мојата кариера. Со нетрпение ја очекувам таа вечер и верувам дека нè очекува магија.
Често пееш песни од Тоше. Кои други македонски музичари ги познаваш, сакаш да ги слушаш и пееш?
Ади: Сум слушнал за многу ваши уметници, но Тоше беше апсолутен број 1 секогаш и засекогаш.
Сними дует со Сенида, која припаѓа на различен музички стил. Како се вклопивте и дали ова е обид да се доближиш до трендовите?
Ади: Сенида е музички камелеон и една од најкомплетните луѓе во оваа индустрија што сум ги запознала. Верувајте ми, ако ѝ дадете рок албум да сними, луѓето би го обожавале. Жената едноставно има магија и ми е чест што ме препозна како нешто вредно.
Долго време се бореше со анксиозност. Тоа е состојба од која страдаат многу млади луѓе, но за неа ретко се зборува. Каков совет би им дале на младите луѓе кои сакаат да се справат со ова?
Ади: Основниот совет што би го дала е да е комуницираат со своите проблеми. Јас бев тивок за нив и едноставно трпев да се што ме мачеше гори во мене, што не би го препорачал на никого бидејќи е како да одиш на колена по снег. Во основа, сè започнува со прашањето, кој сум јас, каков проблем имам и како можам да го решам? Кога ќе ги добиете одговорите, градите кула од самодоверба што едноставно ја отсликувате во целиот ваш живот. Се чини лесно затоа што е, само комуницирајте.

Твоето име беше споменато за хрватскиот избор за евровизиски претставник „Дора“, а ти сè уште не си настапувал таму. Се гледаш ли себеси на Евровизија? За Хрватска или за Босна и Херцеговина?
Ади: Слушнав за тоа, можеби затоа што во претходните години бев еден од поактивните изведувачи на хрватската сцена во однос на концертните активности, но не се гледам себеси на натпревари. Музиката не е спорт каде што разликите во квалитетот се точни. Музиката не познава објективност затоа што е исткаена од човечки емоции. Затоа е бесмислено да се прави каква било градација на квалитетот врз основа на субјективен став. Големиот Балашевиќ еднаш рекол „Nekima se čini da su moje pjesme sve iste. Shvaćam ih potpuno. Meni su, na primjer, Einsteinove formule sve iste… Nismo svi svemu dorasli“. Тоа можеби е кажано во поинаков контекст, но последната реченица е универзална. Музиката е субјективна.
Освен концертот во Сколје, што можеме да очекуваме од Ади оваа година?
Ади: Повеќе концерти, повеќе песни и повеќе или помалку тоа е тоа. Да го подобриме квалитетот на концертите на ниво на светските ѕвезди. Тоа е мисија на која сум посветен до крајот на моето постоење.
Концертот во Скопје е закажан за 18 октомври во Македонска филхармонија а влезнците се веќе во продажба на e-ticket.mk