Спотот на новата песна на Хари Мата Хари со кадри од светскиот патник Роберт Дацешин (Видео)

Еден од најдобрите гласови на регионалната музичка сцена, Хари Мата Хари, претстави нова песна со симболично име „Snijeg je Bosnom grane prekrio“.

Оваа емотивна музичка приказна, нè потсетува на она што често го забораваме: колку е навистина посебна Босна и Херцеговина. Песната не е само уште една балада во богатата кариера на Хари. Тоа е еден вид посветеност на земјата, нејзините пејзажи, луѓе и чувство на припадност што не може да се објасни, туку само да се доживее. Преку внимателно одбрани кадри, видеото ги води гледачите на патување низ некои од најубавите пејзажи на Босна и Херцеговина, откривајќи ја нејзината сурова, автентична и недопрена убавина.

Посебно место во видеото заземаат величествените сцени на диви коњи во Ливно, кои претставуваат еден вид симбол на слобода, сила и природна хармонија. Нивната слобода, движење и сила како да потсетуваат на духот на оваа земја – нескротлива, горда и вечна. „Snijeg je Bosnom grane prekrio“ е создадена во момент кога се чини дека сè повеќе се свртуваме кон далечни дестинации, заборавајќи ја убавината што ни е на дофат.

Снимките за музичкото видео ги позајмил пријателот на Хари, Роберт Дацешин, патеписец и промотор на убавината на Босна и Херцеговина, а двајцата заедно сакале да го претстават ова музичко видео на својата земја. Оваа песна, исто така, го најавува продолжувањето на соработката меѓу Хари и Роберт, кои подготвуваат интересни проекти и содржини за својата публика.

Роберт е препознатлив по својот YouTube канал со патеписни видеа од целиот свет а досега посетил 121 од 195 држави во светот.