Хард рок со зурла и тапан на Bad Symphony

Камерниот оркестар на Битола по мала пауза се врати со нова симфонија. По Rock Symphony, Pop Symphony, Electro Symphony, Strar Symphony синоќа во Битола имаше Bad Symphony.

Песни на Prodigy, Rammstein, Depeche Mode изведуваа: Јасна Димитровска, Жарко Јакимовски, и битбоксерот Огнен Димовски. Посебен впечаток остави Јасна Димитровска која својата вокална изведба ја надополни со шоу елементи од костими, реквизити и сценски движења. A вметнувањето на зурла и тапан во аранжамните на рап и хард рок песни дополнително ја загреа атмосферата.

Веднаш по Bad Symphony, на сцената следуваше Discopolis со хитовите: „Girls Just Want to Have Fun“, „Sweet Dreams“, „Far Far away“, „Freed from desire“, „I Got That Sunshine in My Pocket“, „Don`t start now“ и ред други во изведба на Sarah Mace & The Girls – Ана Петановска, Теа Богатинова и Калина Велковска. Девојките изведуваа заеднички и соло песни, а Петановска која редовно настапува со Камерниот оркестар со својата вокална супериорност повторно ја освои публиката.

Фото: Диоген Хаџи Коста Милевски