Јордан Витанов ја режира „Мајка“ во Велешки театар

Првенецот на Велешкиот театар, Јордан Витанов, денеска започна со читачки проби за претставата „Мајка“ која тој ја режира во својот матичен театар.

Претставата е по текст од Флоријан Зеле и е дел од трилогијата „Мајка“ „Татко“ и „Син“. Претходно во 2022 година, делот „Татко“ беше поставен во Велешки театар во режија на Ненад Витанов а со Јордан Витанов во главната улога.

Во претставата играат Зорица П. Панчиќ, Васил Зафирчев, Сандра Танчева и Кире Ацевски. Драматург на претставата е Сашо Димовски, дизајнот е на Филип Коруновски, костимограф Раде Василев, а автор на музиката е композиторот Сашко Костов.

Премиерата на претставата е планирана за крајот на месец јануари 2025 година.