Започнува Неделата на шпански филм во Центар за култура – Битола

Во организација на Амбасадата на Кралството Шпанија и Центар за култура – Битола утре (26.04.2024) свечено ќе биде отворена Неделата на шпански филм. Со почеток во 19:30ч во малата сала, отворањето на овој филмски фестивал ќе биде средба со класиката на шпанскиот филм „Крави“ (Vacas). Се работи за прекрасната и збунувачка приказна на семејства, љубов и одмазда што ја носи „Крави“ а која ќе ве заслепи со својата визуелна убавина и емоционална длабочина.

Придружете се на едно неодоливо патување, во светот на шпанскиот филм, преку богата селекција на филмови кои ќе бидат прикажани на оваа ревија. Освен овој епски филм, ќе имате прилика да уживате и во уште 6 неверојатни филмски остварувања а влезот за отворањето и сите проекции е бесплатен.