На 15 декември во Центарот за култура Битола се одржа концертот на Игор Џамбазов и Гуру Харе. Публиката од различна возраст уживаше во познатите блуз хитови на познатиот актер, текстописец, музичар и шоумен.
Посебно ми е драго што вечерва свирам во Битола. Битола е град на најголемите македонски музички великани, а битолската публика е незаменлива! – рече тој и додаде:
“Оваа вечер пејам за татко ми Џамбаз кој пред скоро две години го напушти овој свет.”
Беше изведена и преработката на “Жаклина” од битолчанецот Цане Николовски и групата Елита како и народниот евергрин “Ако умрам ил загинам” од легендарниот Јонче Христовски на кој Игор му изрази пиетет, а публиката го поздрави со громогласен аплауз.
Л.Т.
Фотографии: Диоген Хаџи-Коста Милевски


















