Елена Ристеска го отвори Beauty Expo Skopje

Со изведба на хитот „Доживотно“ на Елена Ристеска синоќа во хотелот „Александар Палас“ се отвори Beauty Expo Skopje.

Водител на свечното отворање беше Снеже Велков а на Елена при крајот на изведбата и се придружи и македонската претставничка на Детска Евровизија 2025, Нела Манческа.

Се работи за голем изложбено-продажен саем за козметика, убавина и нега, а кој ќе трае од 3 до 5 април во хотел „Александар Палас“ – Скопје, на површина од 2.000 м². Во текот на трите саемски дена, посетителите ќе имаат можност да се запознаат со понудата на околу 50 изложувачи, меѓу кои и некои од најголемите и највлијателни компании од светот на козметиката и beauty индустријата.

Саемот е наменет и за пошироката публика и за професионалците од секторот за убавина. Покрај презентацијата на новитетите, посетителите ќе имаат можност и за директно купување на производи по специјални саемски цени. Работното време е петок од 18 до 22 часот, додека сабота и недела од 10 до 20 часот.