Вечерва во Велес со стенд ап комедијата на Сашко Коцев, „Широк дијафазон“ се затвора 4-то издание на театарскиот фестивал „5ре“. Организаторот денеска ги објави наградите за овогодинешното фестивалско издание кои ќе се доделат вечерва. Жирито во состав: Александар Георгиев, Александар Ивановски и Миле Вратеовски донесе одлука да ги награди со:
НАГРАДАТА ЗА НАЈДОБРА ПРЕТСТАВА – „12“ во изведба на Македонски Народен Театар (МНТ).
НАГРАДАТА ЗА НАЈДОБРА ПРЕТСТАВА ОД ПУБЛИКАТА – „Покојник“ во изведба на Црногорско народно позориште.
НАГРАДАТА ЗА НАЈДОБРА РЕЖИЈА – Синиша Ефтимов за „12“, Македонски Народен Театар (МНТ).
НАГРАДАТА ЗА НАЈДОБРА МАШКА ГЛАВНА УЛОГА – Александар Крстиќ за „Кој се плаши од Вирџинија Вулф“, Народно позориште – Ниш.
НАГРАДАТА ЗА НАЈДОБРА ЖЕНСКА ГЛАВНА УЛОГА – Зорица Панчиќ за „Госпоѓа министерка“, Народен театар Ј.Х. Џинот – Велес
НАГРАДАТА ЗА НАЈДОБРА СПОРЕДНА МАШКА УЛОГА – Сашо Тасевски за „Фамилијата Адамс“, Драмски театар.
НАГРАДАТА ЗА НАЈДОБРА СПОРЕДНА ЖЕНСКА УЛОГА – Марија Новак за „Секс, лаги, љубомора“, Народен театар – Охрид.