Фото-изложба „Битола во златниот час“ од четврток во Центар за култура – Битола

Во четврток, 13 август, со почеток во 20:00 часот, во фоајето на НУ Центар за култура – Битола ќе биде отворањето на 14-то издание на изложбата „Со Љубов од Битола“ 2026.

Годинешното издание е посветено на темата „Битола во златниот час“. На јавниот конкурс, кој се одржа од 1 до 31 јули, учествуваа 19 фотографи.

Стручното жири, во состав Александар Јоначиќ, Горан Кузмановски и Диоген Хаџи-Коста Милевски, направи селекција од 28 фотографии кои ќе бидат претставени на изложбата. На отворањето ќе бидат прогласени и наградени авторите на најдобрите три фотографии.

Изложбата ќе биде отворена до 28 август 2026 година.