Теона Митевска во Белгија го снима биографскиот филм за Мајка Тереза

Македонската филмска режисерка Теона Стругар – Митевска изминатиов месец е во Белгија каде ги снима ентериерите за нејзиниот нов филм „Мајка“. Сцените се снимаат во Шарлроа, град во Јужна Белгија.

„Мајка“ e дебито на англиски јазик на Митевска и ќе следи седум дена во клучниот момент во животот на Мајка Тереза, кога таа ќе одлучи да го напушти манастирот Лорето Ентали во Калкута и основа свој ред.

„И јас и Теона некако имаме сврзно ткиво со одлучната тврдоглавост на Мајка Тереза ​​и како таа презема нешто и како не се повлекува и само пробива. Можам да се поврзам со тоа, дека продолжувате да се борите за нешто во што верувате, дури и ако сите ви велат дека тоа нема да се случи. Или никој друг не може да го види“. – вели актерката Нуми Рапас која ја игра Мајка Тереза.

Митевска веднаш по учеството на Сараево Филм Фестивал овој август замина за Калкута, каде ги финализираше локациите за „Мајка“. А од 23 септември е во Белгија, каде што се снима ентериерот, пред да се пресели за екстериерите во Индија.

„Ова не е биографски филм“, изјави Митевска за Variety, опишувајќи го филмот како слика од една недела од животот на светицата „пред таа да стане Мајка Тереза ​​што ја знаеме денес“.

„Сакавме да ја демистифицираме личноста зад митот и едноставно да зборуваме за оваа многу интелигентна, амбициозна жена со големо срце, која беше исто толку погрешна како и сите нас“, додава режисерката.