Синоќа на платото на Офицерскиот дом а во рамки на „Илинденски денови“ се одржа уште една вечер на традиционална музика и игра. Настапуваа: КУД „Мирче Ацев“ – Прилеп, КУД „Дибар“ – Дебар, КУД „Весели пензионери“ – Пробиштип, КУД „Дримкол“ – Вевчани и КУД „Илинден“ – Битола од Македонија. А шареноликоста ја збогатија ансамблите од странство и тоа: Lapta Minicipality Folk Dance Group – Киренија, Северен Кипар, Hacettepe University – Lifelong Learning Center, Children and Youth Folk Dance Group од Анкара, Турција и Ballet Folclorico De La Universidad Catolica, Boliviana “San Pablo” (BFUCB) од Ла Паз, Боливија.
Вечерва на програмата е Вечер на интернационална музика и игра со која завршува фестивалот. Вечерва се доделуваат и наградите а настапуваат American Folk Ensemble од Орем, Јута, САД, Folk Ensemble “Seodo Sori” од Инчеон, Јужна Кореја, Lapta Minicipality Folk Dance Group – Киренија, Северен Кипар, Hacettepe University – Lifelong Learning Center, Children and Youth Folk Dance Group од Анкара, Турција и Ballet Folclorico De La Universidad Catolica, Boliviana “San Pablo” (BFUCB) од Ла Паз, Боливија, ФС „Блажевски“ РС Македонија и Фолклорен Ансамбл „Бранко Радичевиќ“ од Сремска Митровица, Србија.
Фото: Диоген Хаџи Коста Милевски