Изминатава недела се одржа шеесет и првото издание на Драмски аматерски фестивал-Кочани. Репертоарот беше мошне богат, со повеќе од петнаесет претстави од различни градови од Македонија и соседството. Фестивалот се отвори минатиот понеделник, со претставата „Вечера за глупаци“ на велешкиот театар, а затворањето беше во саботата со две претстави на македонски театри и „Полански протоколи“ на АКУД Ниш од Србија.


Успешно учество на фестивалот зеде и комедијата „Сомнително лице“ од Бранислав Нушиќ, во режија на Јулијана Мирчевска, а во изведба на Театарската школа Бабец од Битола, при што, наградата во категоријата за најдобра главна женска улога ја доби Веда Мавровска за улогата Живка.
Образложение на комисијата: „Таа се наградува бидејќи најдобро и најуверливо го толкуваше ликот на Живка. Притоа маестрално ги долови комичните моменти во претставата, како и одличната актерска дисциплина и техника на сцената.“


Останатите улоги ги толкуваа:
Јеротије Пантиќ – Дарко Велкоски
Анѓа Пантиќ – Анастасија Огненова
Марица Пантиќ – Матеа Василевска
Ѓока – Стефан Доневски
Виќа – Леон Дојчиновски
Таса – Софија Наумовска
Милица – Ана Анѓелевска
Миладинка – Сара Радевска
Алекса – Ана Марија Каранфиловска